Portali EUalive ka vlerësuar se Beogradi po humb betejën për kontrollin e Urës së Mitrovicës, një nga simbolet më të ndjeshme të ndarjes etnike në Kosovë, pasi Policia e Kosovës ka filluar të marrë përgjegjësitë e sigurisë në këtë zonë, duke shënuar një ndryshim të rëndësishëm pas 27 vjetësh kontrolli ndërkombëtar nga KFOR-i. Ky proces i transferimit gradual është pjesë e një optimizimi të pranisë së misionit të NATO-s dhe fuqizimit të institucioneve vendore, por është kundërshtuar ashpër nga presidenti serb Aleksandar Vuçiq, i cili ka paralajmëruar reagime dhe ka kritikuar komandantin turk të KFOR-it, duke e cilësuar procesin si një presion për pranimin e pavarësisë së Kosovës nga Serbia.