Po vazhdojnë punimet për ndërtimin e urës së tretë mbi lumin Ibër, një projekt ky që synon të forcojë lidhjen ndërmjet qytetarëve në veriun dhe jugun e Kosovës. Ministri në detyrë i Infrastrukturës, Dimal Basha, e ka cilësuar këtë investim si një hap të rëndësishëm për zhvillimin ekonomik dhe integrimin e vendit, duke theksuar se puna po avancon sipas planit. Ai ka shtuar se përmes këtij projekti infrastrukturore debati për ndarjen e Kosovës po ndryshon, duke u zhvendosur nga shqetësimi për ndarjen në fokusin për afrim dhe bashkim të pjesëve të vendit. Qeveria synon të vazhdojë me investime të ngjashme që do të përmirësojnë infrastrukturën dhe do të nxisin zhvillimin ekonomik në të gjithë territorin e Kosovës.