Doruntina Maloku ka reaguar ashpër ndaj përdorimit të emrit dhe fotografisë së babait të saj, Enver Maloku, në postime propagandistike politike. Ajo e ka cilësuar këtë veprim si një formë të rëndë manipulimi dhe propagande, duke theksuar se përdorimi i figurave të të ndjerëve për qëllime politike është jo vetëm moralisht i dënueshëm, por edhe një fyerje e drejtpërdrejtë për kujtimin e tyre. Doruntina i ka bërë thirrje të gjithë atyre që përdorin emrin dhe imazhin e babait të saj të ndalojnë menjëherë këtë praktikë dhe të heqin materialet propagandistike. Ajo ka theksuar se Enver Maloku është një Hero i Kosovës dhe kujtimi i tij meriton respekt dhe dinjitet, jo të përdoret për propaganda politike.