Blerta Deliu-Kodra, kandidate për deputete nga Partia Demokratike e Kosovës, ka kritikuar ashpër qeverisjen aktuale duke theksuar se egoja për pushtet e kryeministrit Albin Kurti ka ndikuar në varfërimin e qytetarëve dhe largimin masiv të popullsisë nga vendi. Ajo deklaroi se 21 mijë familje në Kosovë jetojnë me vetëm 1 euro në ditë dhe se për katër vitet e fundit rreth 250 mijë qytetarë kanë emigruar. Deliu-Kodra gjithashtu vuri në dukje stagnimin në shumë sektorë dhe vështirësitë ekonomike e sociale me të cilat përballen qytetarët. Në debatin televiziv, ajo komentoi edhe përplasjen mes LDK-së dhe PSD-së, duke thënë se ky debat i konvenon kryeministrit Kurti pasi largon vëmendjen nga problemet reale të popullit.