Altin Krasniqi, djali i ish-kryetarit të Kuvendit dhe ish-krerëve të UÇK-së, Jakup Krasniqi, i ka kushtuar babait të tij disa vargje prekëse një ditë para “Marshit për Liri” dhe pak ditë para shpalljes së vendimit në Hagë. Ai ka kujtuar vitet e gjata të paraburgimit të babait, duke theksuar se Jakup Krasniqi ka vuajtur 16 vite, 2 muaj e 1 ditë burgim vetëm për shkak të dashurisë së tij për atdheun. Në mesazhin e tij, Altin shpreh shpresën se më 16 shtator do të ketë drejtësi dhe se babai së bashku me bashkëluftëtarët do të fitojnë lirinë. Ai përmend se koha i ka marrë vite babait, por jo idealet, dinjitetin dhe dashurinë për Kosovën, duke theksuar qëndrimin e palëkundur të tij gjatë gjithë kësaj periudhe.