Ka ndërruar jetë ish-kryetari i komunës së Lipjanit, Ismajl Jashari, i cili ka dhënë një kontribut të rëndësishëm në udhëheqjen dhe zhvillimin e komunës para luftës. Komuna e Lipjanit, përmes kryetarit aktual Imri Ahmeti, ka shprehur ngushëllime të thella për familjen Jashari dhe ka vlerësuar punën dhe përkushtimin e tij gjatë drejtimit të komunës. Kontributi i Jasharit në forcimin e administratës komunale dhe ndërtimin e bazave për zhvillim institucional dhe shoqëror do të mbetet pjesë e rëndësishme e kujtesës institucionale. Në këto momente të vështira, komuna ka shprehur ngushëllimet më të sinqerta për familjen, miqtë dhe bashkëpunëtorët e tij.