Gazmend Syla nga Organizata e Veteranëve të Luftës së UÇK-së ka komentuar procesin gjyqësor në Hagë dhe vendimin që pritet të merret më 16 shtator ndaj katër ish-krerëve të UÇK-së. Ai ka theksuar se Gjykata Speciale ka vepruar politikisht dhe jo mbi prova dhe fakte, duke shprehur bindjen se nëse vendimi do të bazohet në prova, ish-krerët do të kthehen të pafajshëm në Kosovë. Syla paralajmëron se një vendim politik do të ketë pasoja negative për vendin dhe për vetë UÇK-në, ndërsa një vendim i bazuar në fakte do të jetë i drejtë dhe i pranueshëm për komunitetin. Ai gjithashtu përmend dëshmitë e bashkëluftëtarit Bujari si argumente që mbështesin pafajësinë e tyre.