Kryetari i Organizatës së Veteranëve të Luftës së UÇK-së, Hysni Gucati, ka shprehur pakënaqësi të thellë ndaj Qeverisë Kurti për mungesën e bashkëpunimit dhe mosrealizimin e kërkesave të veteranëve. Ai theksoi se asnjë kërkesë nuk është përmbushur gjatë gjashtë viteve të fundit, duke përmendur veçanërisht nevojën për trajtim shëndetësor, pasi 67 veteranë vuajnë nga kanceri dhe disa prej tyre trajtohen jashtë vendit. Në kuadër të një memorandumi bashkëpunimi me Odën e Hotelierisë dhe Turizmit të Kosovës, veteranët do të marrin mbështetje në fushën e turizmit dhe akomodimit. Ndërkaq, nënkryetari i OVL-UÇK-së, Gazmend Syla, njoftoi se javën e ardhshme do të mblidhet kryesia për të diskutuar hapat e mëtejshëm lidhur me zhvillimet në Gjykatën Speciale dhe veprimet që do të ndërmarrin në prag të vendimmarrjes për ish-krerët e UÇK-së.