Dhjetëra veteranë të Ushtrisë Çlirimtare të Kosovës kanë udhëtuar drejt Hagës për të qenë prezentë në seancën ku pritet të shpallet vendimi për ish-krerët e UÇK-së në Dhomat e Specializuara të Kosovës. Ata kanë shprehur mbështetjen e tyre të pakushtëzuar për ish-krerët, duke theksuar se qëllimi i tyre është të qëndrojnë pranë çlirimtarëve në këtë moment të rëndësishëm. Përmes një lidhjeje direkte nga autobusi në Hagë, veteranët kanë deklaruar besimin se verdikti do të jetë në favor të të akuzuarve. Ata kanë njoftuar gjithashtu se do të qëndrojnë në qiell të hapur deri më 16 shtator, duke treguar vendosmërinë e tyre për të ndjekur nga afër zhvillimet në gjykatë.