Lëvizja Vetëvendosje ka mirëpritur vendimin e Gjykatës Kushtetuese për të vendosur masën e përkohshme ndaj dekretit të presidentes Vjosa Osmani për shpërbërjen e Kuvendit të Kosovës. Sipas Vetëvendosjes, ky vendim ndalon një veprim të nxituar dhe të pajustifikuar që cenoi rendin kushtetues dhe demokracinë parlamentare, duke siguruar që të mos krijohen pasoja të pariparueshme derisa të shqyrtohet në themel kushtetutshmëria e dekretit, i cili për ta është antikushtetues.