Ushtruesja e detyrës së Presidentes së Kosovës, Albulena Haxhiu, ka komentuar incidentin ku deputetja Time Kadriaj hodhi vezë ndaj kryeministrit në detyrë, Albin Kurti. Haxhiu theksoi se veprimet e tilla nuk janë të reja dhe përmendi se edhe Lëvizja Vetëvendosje ka përdorur herë pas here hedhjen e vezëve si formë proteste për kauza të ndryshme politike, duke përmendur kundërshtimin ndaj Gjykatës Speciale, demarkacionit me Malin e Zi dhe Zajednicës. Ajo shtoi se nuk e sheh situatën si të krahasueshme, por e konsideron këtë si një aksion protestues dhe nuk ndihet e shqetësuar nga këto veprime. Vlerësimin për këto aksione Haxhiu i la në dorë të qytetarëve, duke theksuar se janë pjesë e kauzave kushtetuese dhe politike që kanë shoqëruar veprimtarinë e LVV-së.