Kryetari i Komunës së Fushë-Kosovës, Valon Prebreza, ka emëruar Vildane Latifin drejtoreshë të Drejtorisë së Administratës në kuadër të përpjekjeve për forcimin dhe avancimin e administratës komunale. Latifi, e cila është anëtare e AAK-së dhe kishte përkrahur Prebrezën në balotazh, duket se ka marrë këtë post si shpërblim për mbështetjen e saj politike. Në njoftimin zyrtar, kryetari i komunës i ka uruar suksese në detyrën e re dhe ka shprehur besimin se përvoja dhe përkushtimi i saj do të ndikojnë pozitivisht në rritjen e efikasitetit, transparencës dhe cilësisë së shërbimeve ndaj qytetarëve. Kjo emërim vjen si pjesë e angazhimeve për përmirësimin e administratës komunale në Fushë-Kosovë.