Analisti politik Visar Ymeri ka paralajmëruar se nëse në Kosovë fiton autoritarizmi i Albin Kurtit, pasojat do t’i ndiejnë kryesisht qytetarët dhe jo opozita. Ai thekson se çmontimi i demokracisë dhe dobësimi i sistemit demokratik nuk është kundër një grupi të caktuar, por synon nënshtrimin e të gjithë shoqërisë. Sipas Ymerit, agjenda e Kurtit është suspendimi i institucioneve deri në momentin kur ai i ketë nën kontroll të plotë, ndërsa bashkëpunimi politik nuk ka qenë kurrë qëllim i tij real. Ai paralajmëron se autoritarizmi mund të vijë me një fytyrë të butë, por në fund qytetarët do të jenë ata që do të pësojnë më së shumti.