Asociacioni i Komunave të Kosovës (AKK) ka shprehur shqetësim për fillimin e vitit të ri shkollor, duke kritikuar Ministrinë e Arsimit për mungesën e dokumentacionit dhe teksteve shkollore në shkolla. Sipas AKK-së, shumë nxënës kanë nisur mësimin pa librat e nevojshëm, ndërsa prindërit raportojnë se mjetet për blerjen e teksteve ende nuk janë transferuar. AKK thekson se këto detyra duhej të ishin përmbushur para fillimit të vitit shkollor dhe kërkon nga Ministria që të marrë masa urgjente për të mos i lënë pasojat e këtyre vonesave komunave, shkollave, mësimdhënësve dhe prindërve. Në njoftim theksohet se arsimi nuk duhet të improvizohet dhe nxënësit duhet të kenë librat dhe dokumentacionin që në ditën e parë të shkollës.