Kryetari i Lidhjes Demokratike të Kosovës, Lumir Abdixhiku, së bashku me ish-presidenten Vjosa Osmani, vizituan dy kompani në Istog, AgroProdukt dhe Bliff Organik, të cilat përfaqësojnë histori suksesi në prodhimin dhe eksportin vendor. Ata vlerësuan përkushtimin dhe punën e jashtëzakonshme të grave dhe burrave në kultivimin, përpunimin dhe eksportin e bimëve aromatike e medicinale. Produktet e këtyre bizneseve tashmë arrijnë në tregjet ndërkombëtare të Evropës dhe Amerikës së Veriut, duke dëshmuar potencialin e Kosovës kur bashkohen puna, dija dhe vizioni. Abdixhiku dhe Osmani shprehën mbështetjen e tyre të vazhdueshme për këto biznese dhe theksuan rëndësinë e zhvillimit të prodhimit vendor me vulën “Made in Kosovo”.