Drejtori i Përgjithshëm i Shërbimit Korrektues të Kosovës, Ismail Dibrani, po zhvillon një vizitë zyrtare në Izrael me mbështetjen e Ambasadës së Izraelit në Kosovë dhe Ambasadës së Kosovës në Jerusalem. Gjatë qëndrimit të tij, delegacioni ka zhvilluar takime në institucionet kryesore të Shërbimit të Burgjeve të Izraelit, duke përfshirë Selinë Qendrore në Ramla dhe Kompleksin Ayalon/Nitzan, ku janë diskutuar praktikat më të avancuara në menaxhimin dhe sigurinë e burgjeve. Fokus i vizitës është shkëmbimi i përvojave në fushën e sigurisë, avancimi i kapaciteteve të Njësisë së Inteligjencës Korrektuese dhe zbatimi i programeve të risocializimit dhe rehabilitimit. Kjo bashkëpunim synon forcimin e standardeve të sigurisë dhe menaxhimit në Shërbimin Korrektues të Kosovës, duke përmirësuar bashkëpunimin ndërinstitucional dhe praktikat profesionale.