Dy kongresmenët amerikanë, Keith Self dhe Suhas Subramanyam, vizituan Luginën e Preshevës ku u njohën nga afër me problemet e komunitetit shqiptar, përfshirë pasivizimin e adresave, mospërfshirjen në institucione dhe bllokimin e fondeve nga bankat serbe. Këshilli Kombëtar Shqiptar shpreh shpresë se çështjet e ngritura do të adresohen përmes një rezolute të propozuar në Senatin Amerikan, e cila synon përmirësimin e pozitës së pakicave në Serbi. Përfaqësuesit lokal presin që vizita të sjellë vëmendje dhe veprime konkrete nga Shtetet e Bashkuara, si dhe angazhim më të madh të Shqipërisë dhe Kosovës në mbrojtjen e të drejtave të shqiptarëve të Luginës. Kongresmenët vizituan gjithashtu Kosovën, duke takuar krerët institucional dhe duke parë nga afër kampin ushtarak Bondsteel në Ferizaj.