Ministri britanik i Mbrojtjes, Lord Vernon Coaker, vizitoi mbrëmë Kosovën ku u takua me komandantin e KFOR-it, gjeneralmajor Özkan Ulutaş, dhe gjeneral brigadier Schulte-Borghoff, drejtor i ekipit ndërlidhës këshillues të NATO-s. Gjatë takimit u diskutua situata aktuale e sigurisë në rajon dhe roli i KFOR-it në ruajtjen e një mjedisi të sigurt për të gjithë qytetarët. Lord Coaker riafirmoi angazhimin e Mbretërisë së Bashkuar për mbështetjen e misionit të KFOR-it dhe kontributin e vazhdueshëm për paqen dhe stabilitetin në Kosovë dhe rajon. Ambasadori britanik në Kosovë, Jonathan Hargreaves, e bëri të ditur këtë takim dhe theksoi rëndësinë e bashkëpunimit ndërkombëtar në sigurimin e paqes në këtë zonë.