Ministri i Deleguar për Evropën nga Republika e Francës, Benjamin Haddad, do të vizitojë nesër Kosovën për një vizitë zyrtare. Ai do të pritet nga ministri në detyrë i Punëve të Jashtme dhe Diasporës, Glauk Konjufca, me të cilin do të zhvillojë një takim dypalësh. Pas këtij takimi, së bashku me ministrin në detyrë të Financave, Hekuran Murati, do të nënshkruajnë marrëveshje bashkëpunimi në fusha kyçe si drejtësia, arsimi dhe organizimi i Lojërave Mesdhetare. Kjo vizitë dhe marrëveshjet e reja pritet të forcojnë marrëdhëniet ndërmjet Kosovës dhe Francës dhe të sjellin zhvillime të rëndësishme në sektorët e përmendur.