Presidentja e Kosovës, Vjosa Osmani, gjatë takimeve të saj me qytetarët në Prishtinë, ka shprehur pakënaqësinë për moskandidimin e saj për një mandat të dytë si Presidente. Në një takim të rastësishëm me një qytetar, ajo u ankuar se “nuk po duan me m’bë presidente”, ndërsa qytetari i dha mbështetje duke thënë se “s’kanë qare”. Mospropozimi i saj nga kryeministri Albin Kurti ka thelluar mosmarrëveshjet mes tyre, duke lënë të paqartë të ardhmen politike të Osmanit. Ajo do të vazhdojë detyrën deri më 5 prill, por ende nuk dihet nëse do të rikthehet në LDK apo do të ndjekë një rrugë të pavarur politike.