Vjosa Osmani pritet të bashkohet me Lidhjen Demokratike të Kosovës dhe të jetë bartëse e listës së saj në zgjedhjet e 7 qershorit. Ajo do të kandidojë gjithashtu për president të shtetit, nëse LDK-ja përfshihet në ndonjë koalicion paszgjedhor për këtë post. Kryetari aktual i LDK-së, Lumir Abdixhiku, do të jetë përsëri kandidat për kryeministër. Sipas burimeve të brendshme, Osmani do të vijë me njerëzit e saj brenda listës së LDK-së, pa krijuar një koalicion parazgjedhor apo nismë të veçantë. Vetë Osmani ka refuzuar të japë detaje për partneritetin politik me LDK-në, duke theksuar se nuk ka kërkuar asnjë pozitë dhe se do të njoftojë publikun kur të ketë diçka për të thënë.