Presidentja e Republikës së Kosovës, Vjosa Osmani, sot në orën 16:00 do t’ia dorëzojë detyrën kryetares së Kuvendit, Albulena Haxhiu, në një ceremoni zyrtare në Kabinetin e Presidentes. Ky akt simbolik shënon kalimin formal të përgjegjësive dhe sipas dispozitave kushtetuese, Haxhiu do të ushtrojë përkohësisht funksionin e presidentes së vendit. Kuvendi i Kosovës ende nuk ka zgjedhur kreun e ri të shtetit dhe ka afat deri më 28 prill për ta bërë këtë, sipas vendimit të Gjykatës Kushtetuese që shpalli të pavlefshëm dekretin e Osmanit për shpërndarjen e Kuvendit. Vjosa Osmani, e cila ka qenë presidente për pesë vite me përkrahjen e Lëvizjes Vetëvendosje, nuk arriti të sigurojë një mandat të dytë, duke i dorëzuar kështu detyrën Haxhiut për një periudhë maksimale prej gjashtë muajsh.