Pas dorëzimit të detyrës si presidente e Kosovës, Vjosa Osmani ka mbajtur nën pronësi të gjitha faqet në rrjetet sociale që përdorte Presidenca gjatë mandatit të saj, duke i ndryshuar emërtimin nga “Presidenca e Kosovës” në “Zyra e Presidentes së 6-të të Republikës së Kosovës”. Ueb-faqja zyrtare e presidentit, “president-ksgov.net”, ka mbetur si pronë e institucionit dhe nuk është prekur nga këto ndryshime. Këshilltarja e Osmanit, Egnesa Vitia, sqaroi se faqet në Facebook, YouTube dhe X ishin hapur nga stafi politik i Osmanit gjatë mandatit dhe tani arkivohen me emrin e ri për të ruajtur materialet e periudhës së saj, në përputhje me praktikat ndërkombëtare. Ndërkohë, në faqet që i përkasin Osmanit nuk gjenden fotografi të paraardhësve të saj, ndërsa disa video nga aktivitetet e ish-presidentit Hashim Thaçi ruhen ende në kanalin e YouTube.