Presidentja Vjosa Osmani ka mohuar se ka nisur fushatën zgjedhore gjatë vizitave të saj në qytetet e Kosovës, duke i cilësuar këto takime si falënderime për përkrahjen e qytetarëve gjatë mandatit të saj pesëvjeçar. Ajo falënderoi qytetarët për dashurinë dhe mbështetjen që i kanë dhënë, duke theksuar nderin që ka pasur për t’i përfaqësuar ata brenda dhe jashtë vendit. Deklaratat u bënë pas një akademie përkujtimore në Mitrovicë, në nderim të jetës dhe veprës së Latif Berishës, i cili u vra nga serbët. Kur u pyet për raportet me kryetaren e partisë “GUXO”, Donika Gërvalla, Osmani refuzoi të përgjigjej.