Deputetja Liza Gashi nga Lëvizja Vetëvendosje ka zbuluar se presidentes Vjosa Osmani i janë ofruar poste të rëndësishme shtetërore pas përfundimit të mandatit të saj. Në një intervistë në emisionin “Gazeta” në Kanal 10, Gashi tha se Osmani i është propozuar të marrë detyrën e zëvendëskryeministres dhe ministres së Punëve të Jashtme. Këto poste konsiderohen të përshtatshme përvojës së saj në arenën ndërkombëtare, ku ajo ka shkëlqyer. Gashi shprehu mirënjohje për punën e presidentes dhe i uroi fat në rrugëtimin e saj të mëtejshëm, pavarësisht nga pozicioni që ajo do të zgjedhë.