Presidentja aktuale e Kosovës, Vjosa Osmani, ka dërguar në Kuvend amendamentet kushtetuese që parashohin zgjedhjen e presidentit direkt nga qytetarët, duke kërkuar kështu ndryshimin e mënyrës aktuale të zgjedhjes që kërkon 80 vota në Kuvend. Kjo nismë synon të eliminojë ngërçet politike dhe të rrisë stabilitetin institucional, por për momentin mbetet e vështirë për t’u realizuar për shkak të mungesës së konsensusit ndërmjet partive politike dhe kërkesës për 2/3 e votave në Kuvend për ndryshimin e Kushtetutës. Kryetarja e Kuvendit, Albulena Haxhiu, ka shprehur mbështetje për këtë iniciativë, ndërsa njohës të çështjeve politike theksojnë se ndryshimet ligjore dhe kushtetuese kanë afate të rrepta dhe nuk është e mundur që kjo të ndodhë menjëherë. Një draft amendament për zgjedhjen e presidentit nga populli ekziston që nga viti 2018, por për realizimin e tij kërkohet vullnet politik dhe miratim në Kuvend.