Presidentja Vjosa Osmani ka publikuar një video ku shfaqet duke përshëndetur dhe marrë mbështetje nga qytetarët gjatë aktiviteteve të saj, duke i falënderuar ata për besimin dhe dashurinë e treguar. Ajo thekson se mbështetja dhe zëri i qytetarëve janë forca që do ta udhëheqin në çdo hap të mëtejshëm. Ndërkohë, në Lëvizjen Vetëvendosje (LVV) kanë bërë të ditur se nuk kanë mbledhur nënshkrime dhe nuk kanë kandidatë për president, duke lënë të kuptohet se nuk do ta mbështesin Osmani për një mandat të ri. Emri i saj ka qenë jashtë diskutimit ndërmjet kryetarëve të partive parlamentare, por që tani LVV duket se ka hedhur poshtë mundësinë e mbështetjes për një mandat tjetër presidencial.