Gjatë 24 muajve të fundit, VLEN ka punuar intensivisht për të rikthyer besimin e qytetarëve te politika që funksionon me vendime konkrete dhe projekte të realizuara, duke lënë pas premtime të pambajtura. Në këtë periudhë janë zbatuar reforma të rëndësishme dhe investime në fusha kyçe si arsimi, shëndetësia, bujqësia dhe infrastruktura, që kanë sjellë ndryshime të dukshme në jetën e përditshme të qytetarëve. Një element thelbësor i këtij ndryshimi ka qenë avancimi i përfaqësimit të shqiptarëve në institucionet shtetërore dhe fuqizimi i zërit të tyre në vendimmarrje, duke e kthyer këtë përfaqësim në një realitet me ndikim të drejtpërdrejtë. VLEN thekson se ky standard i qeverisjes bazohet në punë të përgjegjshme dhe rezultate konkrete, duke e bërë politikën më efektive dhe më afër nevojave të qytetarëve.