Pas përfundimit të Kongresit të Bashkimit, VLEN ka rritur ndjeshëm aktivitetin politik dhe organizativ në terren, duke bashkëpunuar ngushtë me strukturat e saj në të gjithë vendin. Gjatë ditëve të fundit janë zhvilluar takime intensive me aktivistë dhe anëtarë të ndryshëm, ku është diskutuar për organizimin e brendshëm dhe hapat e ardhshëm politikë. Ky komunikim i përditshëm ka sjellë një mobilizim dhe koordinim të plotë të strukturave në të gjitha nivelet, duke krijuar një model të ri veprimi politik me fokus tek afërsia me qytetarin dhe përmbushja e zotimeve të Kongresit. Në periudhën në vijim, VLEN do të prezantojë iniciativa dhe qëndrime të reja politike, të bazuara në vizionin e miratuar dhe në dialogun e vazhdueshëm me qytetarët dhe strukturat në terren.