Nënkryetari i Partisë Demokratike të Kosovës, Uran Ismaili, ka zhvilluar një takim me përfaqësues të OVL UÇK-së në Prizren, ku ka diskutuar rëndësinë e ruajtjes së vlerave të Ushtrisë Çlirimtare të Kosovës. Ai theksoi se këto vlera duhet të mbeten të përbashkëta për gjithë Kosovën, duke u ngritur mbi çdo dallim partiak dhe përpjekje për t’i zbehur. Ismaili theksoi se UÇK-ja është themeli i shtetit dhe se respekti për veteranët dhe familjet e dëshmorëve është respekt për historinë kombëtare. Ai paralajmëroi se sulmet e qeverisë së deritanishme ndaj këtyre vlerave do të marrin një përgjigje të merituar në zgjedhjet e 7 qershorit.