Gjatë zgjedhjeve parlamentare të fundit në Kosovë, Lista Serbe është raportuar sërish për organizimin e votimit në grup, një praktikë që vëzhguesit dhe kritikët e kanë vënë re edhe në procese zgjedhore të mëparshme. Sipas raporteve nga terreni, votues të këtij subjekti politik janë parë duke u paraqitur në qendrat e votimit në grupe të organizuara dhe të koordinuara, veçanërisht në komunat me shumicë serbe në veri të vendit. Anëtarë të Listës Serbe janë mbledhur paraprakisht para selisë së partisë në Mitrovicë dhe më pas janë drejtuar së bashku drejt qendrave të votimit me qytetarë serbë. Kjo praktikë e votimit të organizuar nga Lista Serbe është përsëritur në disa procese zgjedhore ndër vite, duke ngritur shqetësime për integritetin e procesit zgjedhor në zonat me komunitet serb.