Presidenti i Serbisë, Aleksandar Vuçiç, është takuar me ambasadorin kinez Li Ming në Beograd, ku diskutuan zhvillimet e fundit në Kosovë dhe thellimin e marrëdhënieve mes Serbisë dhe Kinës. Vuçiç falënderoi Kinën për mbështetjen e saj ndaj integritetit territorial të Serbisë dhe kërkoi që përshëndetjet e tij t’i përcillen presidentit Xi Jinping, duke vlerësuar angazhimin e tij personal në forcimin e partneritetit bilateral. Në këtë takim u diskutuan edhe projekte të reja ekonomike dhe investime, ndërsa Serbia po synon të zhvendosë qendrën e gravitetit politik jashtë BE-së, duke u afruar më shumë me Pekinin. Ngjarjet ndodhin në një periudhë të tensionuar politike në Serbi, pas vizitës së presidentit ukrainas në Beograd dhe paralajmërimeve të Vuçiç për zgjedhje të parakohshme dhe mundësinë e largimit nga posti i presidentit.