Presidenti i Serbisë, Aleksandar Vuçiq, ka diskutuar me presidentin rus Vladimir Putin lidhur me marrëveshjen ushtarake midis Kosovës, Shqipërisë dhe Kroacisë, të cilën e ka paraqitur si një aleancë që e shqetëson Serbinë. Ai vazhdimisht është ankuar për këtë marrëveshje, duke e përdorur këtë çështje edhe për konsum të brendshëm politik. Gjatë bisedës me Putinin, Vuçiq njoftoi gjithashtu se Serbia ka marrë një zgjatje tremujore të kontratës së gazit me kushte shumë të favorshme, duke siguruar çmimin më të ulët në Evropë për gazin natyror.