Presidenti i Serbisë, Aleksander Vuçiq, ka përshëndetur ujdinë e fundit të kryeministrit të Kosovës, Albin Kurti, me Bashkimin Evropian për Ligjin për të Huajt. Ai e ka cilësuar këtë marrëveshje si një lajm të mirë për Serbinë dhe ka shprehur mirënjohjen e tij ndaj evropianëve për rolin e tyre në shmangien e një katastrofe dhe konflikti në këtë periudhë të ndjeshme. Vuçiq theksoi se Serbia ka bërë përpjekje dhe ka biseduar me komunitetin serb në Kosovë për të arritur një zgjidhje të pranueshme për të gjithë palët. Sipas tij, ndërhyrja evropiane ka qenë vendimtare për të parandaluar tensione më të mëdha dhe për të mbajtur stabilitetin në rajon.