Presidenti i Serbisë, Aleksandër Vuçiq, ka vazhduar narrativën e vjetër që e konsideron Kosovën si pjesë të territorit serb, duke theksuar nevojën për forcim ushtarak të Serbisë. Në një tubim të mbajtur të shtunën, ai deklaroi se Serbia është më e fortë ushtarakisht se kurrë më parë, megjithatë shprehu dëshirën për ruajtjen e paqes dhe shmangien e konflikteve. Vuçiq përdori një retorikë emocionale dhe simbolike, duke përsëritur pretendimet për rrezikun që sipas tij paraqet aleanca Kosovë-Shqipëri-Kroaci për Serbinë. Ai gjithashtu shprehu mbështetje për serbët që jetojnë në Kosovë, duke i cilësuar si ruajtës të "atdheut" në kohë të vështira.