Presidenti serb Aleksandar Vuçiq ka pranuar për herë të parë se serbët kanë kryer krime lufte gjatë konfliktit në Kosovë, por ai tenton të barazojë përgjegjësitë duke thënë se edhe shqiptarët dhe trupat e huaja kanë kryer krime kundër serbëve. Në një intervistë në podcastin britanik “Rest is Politics”, Vuçiq e ka cilësuar ndërhyrjen e NATO-s në Kosovë si hapjen e një “kutie të Pandorës” që nuk mund të ndalet derisa të krijohet një rend i ri botëror. Ai gjithashtu ka shprehur zhgënjim të thellë të popullit serb për shkëputjen e 14% të territorit të Serbisë dhe për sulmet e 19 vendeve që sipas tij nuk ishin në përputhje me Kartën e OKB-së. Vuçiq ka theksuar se situata në Kosovë dhe Bosnje ka ndryshime juridike, megjithëse rrënjët e konflikteve kanë elemente të përbashkëta.