Në Ditën e Çlirimit të Vushtrrisë, kreu i komunës Ferit Idrizi dhe kabineti qeverisës organizuan homazhe pranë varrezave të dëshmorëve në Bletaj, duke nderuar sakrificën e tyre për lirinë e Kosovës. Në këtë ceremoni morën pjesë edhe Gjenerali Rrahman Rama, përfaqësues të shoqatave të dala nga lufta e UÇK-së dhe familjarë të dëshmorëve. Idrizi theksoi rëndësinë e kësaj date, 17 Qershori, si një moment kyç në historinë e qytetit, duke përkujtuar me respekt veprën dhe guximin e atyre që dhanë jetën për lirinë. Ai uroi qytetarët për këtë ditë të shënuar, duke theksuar se kujtimi për dëshmorët mbetet i përjetshëm dhe themeli i lirisë së sotme.