Kryeministri Albin Kurti kishte premtuar gjatë fushatës zgjedhore rindërtimin e Xhamisë së Ibrit, e cila u dogj më 2 maj 1999 gjatë luftës nga forcat serbe dhe është pjesë e trashëgimisë kulturore të Kosovës. Megjithatë, në buxhetin për vitin 2026, projekti i rindërtimit të kësaj xhamie nuk u përfshi nga Lëvizja Vetëvendosje. Deputeti i PDK-së, Eman Rrahamani, propozoi një amandament për ta përfshirë rindërtimin në buxhet, por Vetëvendosje nuk e mbështeti këtë iniciativë. Në votim morën pjesë 78 deputetë, ku 21 votuan pro, 51 kundër dhe 6 abstenuan, duke refuzuar kështu financimin e rindërtimit të Xhamisë së Ibrit për vitin 2026.