Një ballinë e rreme e gazetës serbe “Blic” është shpërndarë nga përkrahës dhe eksponentë të Lëvizjes Vetëvendosje, ku pretendohen lavdata nga ministri i Jashtëm serb, Marko Gjuriç, për deputeten Time Kadrijaj pas incidentit në Kuvendin e Kosovës ndaj kryeministrit në detyrë, Albin Kurti. Postimi u shpërnda edhe nga Elvis Hoxha, anëtar i Kryesisë së LVV-së, dhe përkrahësi publik Sadri Ramabaja, i cili e komentoi me kritika ndaj veprimit të deputetes. Megjithatë, ballina reale e gazetës “Blic” nuk përmban asnjë lajm të tillë, duke e dëshmuar si të rremë këtë përmbajtje. Pavarësisht kritikave dhe kërkesave për heqjen e postimit, Elvis Hoxha nuk e ka fshirë atë, duke nxitur diskutime dhe reagime në publik.