Deputeti i Lëvizjes Vetëvendosje, Egzon Azemi, deklaroi se asnjë parti politike në Kuvendin e Kosovës nuk ka më shumë veteranë të Ushtrisë Çlirimtare të Kosovës sesa VV-ja. Ai theksoi se partia e tij prin gjithashtu me numrin e aktivistëve që kanë qenë pjesë e celulave të hershme të UÇK-së dhe të burgosurve politikë. Azemi akuzoi partitë opozitare se fshehen pas logos së UÇK-së, ndërkohë që sipas tij, ato kanë dëmtuar këtë simbol duke mbështetur Gjykatën Speciale dhe duke harruar veteranët, invalidët dhe dëshmorët. Ai kritikoi gjithashtu rritjen e numrit të veteranëve për përfitime partiake nga opozita.