Iniciativa për krijimin e “Xhandarmërisë së Kosovës” po ngre shqetësime serioze lidhur me kushtetutshmërinë dhe strukturën e sigurisë në vend. Sipas ekspertëve, ky projekt nuk ka bazë kushtetuese, pasi Kushtetuta e Kosovës nuk njeh këtë forcë dhe ekzistojnë tashmë mekanizma të qartë sigurie si Forca e Sigurisë së Kosovës, Policia dhe Agjencia e Inteligjencës. Krijimi i një force hibride, policore-ushtarake, me komandë të centralizuar politike, mund të çojë në deformim institucional dhe politizim të sigurisë, duke krijuar një model të ngjashëm me atë të Serbisë, që është i papërshtatshëm për Kosovën.