Juliana Nura, e njohur si Xhuli, ndodhet në spital në Zvicër duke pritur lindjen e binjakëve të saj dhe për shkak të kësaj nuk mund të marrë pjesë fizikisht në “Marshin për Liri” që po mbahet në Prishtinë. Ajo ka ndarë me ndjekësit e saj në rrjetet sociale emocione të forta dhe ka përcjellë me lot mobilizimin e qytetarëve që vijnë nga vende të ndryshme për të mbështetur ish-krerët e UÇK-së në Hagë. Xhuli ka bërë thirrje për bashkim kombëtar, duke kërkuar që në këtë ditë të rëndësishme të lihen mënjanë dallimet politike dhe të nderohet sakrifica e luftës çlirimtare. Mesazhi i saj thekson se kombi dhe historia e përbashkët janë më të rëndësishme se çdo gjë tjetër, duke apeluar që çdo gjak i derdhur për lirinë e Kosovës të respektohet dhe vlerësohet.