Bordi i Radiotelevizionit të Kosovës (RTK) ka përfunduar procesin e përzgjedhjes së drejtorit të përgjithshëm, duke zgjedhur me votim unanim Zana Spahiun në këtë pozicion. Ajo u rendit e para në listën përfundimtare pas një procesi të detajuar intervistimi dhe vlerësimi, ku mori 90.7 pikë nga anëtarët e Bordit. Në garë për këtë post ishin gjithsej gjashtë kandidatë, ndërsa mandati i Spahiut do të zgjasë tre vjet. Ky vendim i jep fund procesit të përzgjedhjes dhe shënon fillimin e një periudhe të re në drejtimin e transmetuesit publik të Kosovës.