Ministri i Drejtësisë, Jeton Shasivari, dhe drejtori i Agjencisë për Zbatimin e Gjuhës, Granit Osmani, zhvilluan një takim pune për të forcuar bashkëpunimin institucional dhe për të siguruar zbatimin e vazhdueshëm të Ligjit për përdorimin e gjuhëve në të gjitha institucionet shtetërore. Ata theksuan se respektimi i plotë i këtij ligji është një obligim ligjor dhe një element kyç për sundimin e së drejtës, sigurinë juridike dhe qasjen e barabartë të qytetarëve ndaj institucioneve. Ministri Shasivari nënvizoi rëndësinë e forcimit të mekanizmave institucionalë për garantimin e të drejtave gjuhësore, ndërsa drejtori Osmani ofroi mbështetje profesionale dhe praktike për institucionet nëpërmjet udhëzimeve dhe rekomandimeve. Në periudhën e ardhshme do të intensifikohet bashkëpunimi dhe koordinimi për të siguruar një zbatim më efikas dhe të vazhdueshëm të ligjit në të gjitha nivelet shtetërore.