Deputeti i Lidhjes Demokratike të Kosovës, Armend Zemaj, ka deklaruar se brenda LDK-së ka shumë figura të denja që mund të rekomandohen për postin e presidentit të Kosovës. Ai theksoi se nga kryetari deri te anëtari i fundit i partisë meritojnë këtë pozicion dhe se do të rekomandonte një emër nga LDK-ja për këtë post. Sa i përket votës për Vjosa Osmanin, Zemaj u shpreh me rezervë, duke theksuar se së pari do të votojë për njerëzit e LDK-së dhe më pas do të shihet nëse do të ketë nevojë për votë përtej partisë. Këto deklarata erdhën pas takimit të kryeministrit Albin Kurti me kryetarin e LDK-së, Lumir Abdixhiku, dhe para mbledhjes së grupit parlamentar të LDK-së, ndërsa në skenën politike vazhdojnë diskutimet për emrin e presidentit të ri.