Zëvendësministri i Punëve të Jashtme dhe Diasporës së Kosovës, Kreshnik Ahmeti, mori pjesë në një tryezë të rrumbullakët të organizuar nga Komiteti Kombëtar i Politikës së Jashtme Amerikane (NCAFP), ku diskutoi për politikën e jashtme të Kosovës dhe marrëdhëniet me Shtetet e Bashkuara. Ngjarja u moderua nga ambasadorja Susan Elliott, presidente dhe CEO e NCAFP, dhe përfshiu pyetje nga diplomatë, ekspertë amerikanë dhe studentë të marrëdhënieve ndërkombëtare. Gjatë diskutimit, Ahmeti u përgjigj në shumë pyetje lidhur me pozitën ndërkombëtare të Kosovës dhe sfidat e saj diplomatike. Në këtë tryezë mori pjesë edhe ambasadori Blerim Reka, shef i Misionit në Konsullatën e Përgjithshme të Kosovës në Nju-Jork, duke theksuar rëndësinë e angazhimit diplomatik të Kosovës në arenën ndërkombëtare.