Në mbledhjen e Këshillit Gjyqësor të Kosovës (KGJK), kandidati i vetëm për zëvendëskryesues, Artan Abazi, nuk arriti të sigurojë shumicën e nevojshme të votave, duke marrë pesë pro dhe gjashtë kundër. Kryesuesi Rrustem Thaçi sqaroi procedurën e përzgjedhjes dhe theksoi nevojën për formimin e një komisioni ad hoc për këtë proces. Abazi paraqiti vizionin e tij, duke theksuar rëndësinë e unitetit institucional dhe bashkëpunimit kolegjial në funksion të forcimit të sistemit gjyqësor. Pas pauzës së mbajtur gjatë mbledhjes, u vendos që konkursi për pozitën e zëvendëskryesuesit të rishpallet për të vazhduar procesin e përzgjedhjes.