Procesi i votimit në katër komunat veriore të Kosovës po zhvillohet në mënyrë të qetë dhe pa asnjë incident, konfirmon Policia e Kosovës. Shefi i planifikimit në operativën rajonale Mitrovicë-Veri, Erduan Baliqi, njoftoi se nuk janë raportuar raste problematike, përveç një keqkuptimi në Zubin Potok ku një person u dyshua për fotografim të fletëvotimit, por pas verifikimit u konstatua se nuk kishte elemente të veprës penale. Policia po zbatojnë planin operativ për sigurinë gjatë zgjedhjeve në të gjithë vendin, duke vendosur patrulla pranë çdo qendre votimi për të garantuar rendin dhe qetësinë. Deri tani, situata në veri mbetet stabile dhe pa probleme, duke reflektuar një proces zgjedhor të organizuar dhe të sigurt.