Nënkryetari i Partisë Demokratike të Kosovës dhe kandidat për deputet, Uran Ismaili, së bashku me gruan e tij, kanë marrë pjesë në votime në shkollën “Ismail Qemaili” në Prishtinë. Ai theksoi rëndësinë e zgjedhjeve si një mundësi për qytetarët që të shprehin vullnetin e tyre në mënyrë demokratike dhe pa probleme. Ismaili bëri thirrje që të gjithë qytetarët e Kosovës të shfrytëzojnë të drejtën e tyre për votë, duke theksuar se kjo është një ditë që forcon demokracinë dhe institucionet e vendit. Ai shprehu shpresën që procesi zgjedhor të jetë i qetë dhe me një pjesëmarrje të madhe, duke mundësuar krijimin e institucioneve të reja në Kosovë.