Zv.kryeministri Bekim Sali mori pjesë në takimin joformal të Këshillit të Çështjeve të Përgjithshme të BE-së në Dublin, ku u diskutua përshpejtimi i reformave dhe forcimi i kapaciteteve institucionale të vendeve kandidate. Ai theksoi se zgjerimi i BE-së është një domosdoshmëri gjeopolitike dhe një investim në sigurinë dhe stabilitetin e Evropës, duke nënvizuar përkushtimin e Maqedonisë së Veriut ndaj integrimit evropian dhe zbatimit të reformave, sidomos në sundimin e ligjit dhe luftën kundër korrupsionit.